بس اقرأوها بالمصري
كلمات أغنية شعبان عبدالرحيم الجديدة عن ضرب بوش بالجوتي!!!!
________________________________________
يستعد المطرب الشعبي شعبان عبدالرحيم للمشاركة في وليمة ضرب بوش بالحذاء عبر اغنية تقول كلماتها:
خلاص مالكش لزمة يا بوش يا ابن اللذينا
تستاهل ألف جزمة عاللي انته عملته فينا
وجاه اليوم يا واطي و وشك اتفضح
وشافوك الناس مطاطي من جزمتين شبح
الجزمة كانت مفاجأة كمان زي الزيارة
والدنيا بحالها فرحت والناس فضلت سهارى
يا قلوب كتير حزينة قومي يلا ابتسمي
شوفي بوش وهو خايف والجزمة بتترمي
بصراحة ما قدرش اغشك واقولك زعلت عليك
يا ريتها جات في وشك وخزقت عينيك
صدام اللي انت دبحته في اول يوم العيد
اهو ربك خد بتاره وفي نفس المواعيد
تحية عشان منتظر وتحية لجزمته
فرحنا كتير لبوش في آخر خدمته
بجزمتين في وشك هاتسيب امريكا على نارك
ويا عيني مش هاتلحق يا بوش تاخد بتارك
في ناس كتير بسببك في الدنيا متبهدلة
بتقول يا ريتها كانت صاروخ او قنبلة
العالم كله ش افك وبالسعادة حس
الجزمة زي الكورة وداخلة في المقص
مليون شهيد واكتر في الجنة فرحانين
ربك كبير وقادر يهد المتفرعنين
ضيعت شعوب كتيرة من هنا ومن هنا
ومش خسارة فيك جزمة معفنة
واييييييييييييييييييييييييييييييه
موضوع: كلمات أغنية شعبان عبدالرحيم الجديدة عن ضرب بوش بالجوتي!!!! 
الأحد يناير 04, 2009 8:53 pm
ـــــــــــــــــــــع